महाराष्ट्र नागरी सेवा नियम अंतर्गत या राज्य अधिकारी / कर्मचाऱ्यांवर होणार कार्यवाही ; परिपत्रक दि.18.08.2025

by
Spread the love

Marathisanhita खुशी पवार प्रतिनिधी [ Under Maharashtra Civil Services Rules, these state officers/employees will be liable ] : मुख्यमंत्री माझी लाडकी बहीण या योजनेच्या अपात्रतेच्या अटीनुसार योजनेचा लाभ घेतलेल्या अधिकारी / कर्मचारी यांच्यावर म.ना.सेवा नियम अंतर्गत आवश्यक ती कार्यवाही करणेबाबत , महिला व बाल विकास विभागाच्या संदर्भाधीन पत्रानुसार ग्राम विकास विभाग मार्फत दि.18.08.2025  रोजी महत्वपुर्ण परिपत्रक निर्गमित करण्यात आलेला आहे .

सदर परिपत्रकानुसार नमुद करण्यात आले आहेत कि , माहिती व तंत्रज्ञान विभाग मार्फत प्राप्त झालेल्या माहितीच्या अनुषंगाने जिल्हा परिषदांमध्ये मुख्यमंत्री माझी लाडकी बहीण या योजनेचा लाभ घेतला असलेल्या कार्यरत अधिकारी / कर्मचाऱ्यांची यादी महिला व बाल विकास विभागाकडून प्रसारित करण्यात आलेली आहे .

सदर योजनेच्या अपात्रतेच्या अटीनुसार सदर अधिकारी / कर्मचारी पात्र नसताना सुद्धा या योजनेचा जाणीवपुर्वक लाभ घेवून शासनाची दिशाभुल केल्याची बाब विचारात घेवून संबंधित अधिकारी / कर्मचारी यांच्यावर महाराष्ट्र नागरी सेवा नियम अंतर्गत आवश्यक ती कार्यवाही करुन केलेल्या कार्यवाहीबाबतचा अहवाल सादर करण्याचे निर्देश देण्यात आले आहेत .

यांमध्ये जिल्हा परिषदा मधील तब्बल 1183 अधिकारी / कर्मचाऱ्यांनी सदर योजनेचा लाभ घेतला आहे . जिल्हा परिषदा ही एक स्वायत्त संस्था असून , जिल्हा परिषद कर्मचाऱ्यांचे नियुक्ती तसेच शिस्तभंग विषयक प्राधिकारी मुख्य कार्यकारी अधिकारी जिल्हा परिषद हे आहेत .

हे पण वाचा : भारतीय रेल्वे अंतर्गत स्टेशन मास्टर , लेखापाल , लिपिक , टिकीट व्यवस्थापक इ. पदांच्या तब्बल 30,307 रिक्त जागेसाठी महाभरती !

त्यामुळे सदर विषयांकित प्रकरणी महाराष्ट्र नागरी सेवा नियम अंतर्गत आवश्यक ती कार्यवाही करुन करण्यात आलेल्या कार्यवाहीचा अहवाल महिला व बाल विकास विभागास उपलब्ध करुन द्यावे व त्याची प्रत ही ग्राम विकास विभागास उपलब्ध करुन देण्याचे निर्देश देण्यात आले आहेत .

Leave a Comment